在此搜尋美容店舖名稱或品牌  
<可多選或只搜尋其中一個範疇>
進階搜尋
產品類型/Product type
風格 / Style
品牌名稱 / Brands
地區 / Locations
關鍵字 / Any keywords
商舖類型 / Shop types

WHAT'S NEW

深層清潔面膜大比併
26.04.2015 / Beauty / Yip Lam

深層清潔面膜分享
深層清潔,係護膚中不可缺少嘅一個步驟。每星期堅持敷一至兩次深層清潔面膜,可以有效軟化角質,同時保持肌膚嘅水油平衡。今次想分享五款我常用嘅深層清潔面膜,希望幫助到大家搵到適合自己肌膚嘅產品!

第一款: Queen Helene Mint Julep Masque - 依款超實惠嘅面膜係外國好流行,好多人都有推薦過,但我覺得佢效果一般。敷完無太大分別,只可以清走小量黑頭,而且敷上面有陣陣牙膏味,未必個個人都接受到。唯一要讚嘅係佢退紅能力強,每當我生暗瘡時,都會敷佢喺暗瘡上面,可以令我粒暗瘡無咁顯眼。

優點:價錢平,退紅效果強

缺點:容易乾,清潔力普通,味道不佳 適合中性肌

 

第二款: Lush Mask of Magnaminty - 好鐘意係夏天敷依款面膜,因為每次敷上面,都有冰涼降溫嘅感覺。加上佢嘅質地同味道都好似薄荷朱古力雪糕,令我對佢份外喜歡。建議先敷大約七至八分鐘,之後用水打圈按摩,然後洗走面膜。面膜裏面含有碎紅豆,可以去角質。但碎紅豆粒子偏大,暗瘡肌及敏感肌嘅朋友要小心使用。

優點:成份天然,清潔力強,有助消炎

缺點:保存期限短 (三個月) 適合乾性至油性肌

 

第三款: Innisfree Jeju Volcanic Pore Clay Mask - 火山泥具有強力去油及控油能力,令皮膚瞬間恢復潔淨。依款面膜敷上臉後 有啲沙沙嘅感覺,但因為水份非常充足,所以敷個時好舒服,完全無繃緊嘅感覺。另外,佢成份天然,無添加任何人工色素, 敏感肌嘅朋友都可以試下。

優點:溫和,易推,去油力強

缺點:清潔力普通,去除粉刺效果不明顯 適合乾性至中性肌

 

第四款: Kiehl's Rare Earth Deep Pore Cleansing Masque - 依款泥膜含有豐富嘅礦物質,可以有效去除臉上多餘污垢同粉刺, 令肌膚回復光澤細緻。而且質地好滑,好易推得開,完全唔需要擔心洗得唔乾淨。每次敷完皮膚即刻亮澤咗,同時毛孔睇落收細咗好多。但要注意比較容易乾,會有少少緊嘅感覺。

優點:清潔力強,有助收細毛孔,易推

缺點:容易乾 適合所有肌膚類型

 

第五款: DMC 黑裡透白凍膜 - 雖然我只係用咗依款面膜三次,但已經成為我最愛面膜之一。我覺得佢比寶藝凍膜更好用,佢含有天然竹炭粉,可以幫助深層清潔肌膚底層,解決角質堆積問題,俾到肌膚有潔淨同淨白效果。用凍膜步驟可能比用泥膜複雜。 首先,厚厚敷上全臉 大約3mm (敷得太薄 效果會不顯著),敷上四十分鐘後。拎出佢附送嘅刮棒,由內至外將啲凍膜刮走 ,最後用清水全臉洗乾淨。敷完凍膜之後,皮膚會變得特別有彈性同光滑咗。同埋凍膜將好多頑固黑頭同粉刺吸咗出嚟,所以清潔粉刺就變得容易。要注意敷完凍膜後,要擦反啲乳液狀嘅護膚品去加強保濕,

優點:清潔力強,能軟化肌膚,鎮定肌膚

缺點:保存期限短 (三個月),要敷超過四十分鐘 適合所有肌膚類型

 

總結以上五款深層清潔面膜,我最推薦大家買Kiehl's Rare Earth Deep Pore Cleansing Masque同DMC 黑裡透白凍膜。因為佢哋清潔力強,效果比較明顯,令我嘅肌膚係短時間內得到改善。

關於作者

Yip Lam / International Student

膚質-中性偏乾 ; 膚色-Mac NC20-25 ; 年齡-20

關於我們

hkbeautybible.com 是香港最具規模的美容店舖搜尋器和資訊分享平台網站。網站匯聚全港的美容店舖,美容代理水貨舖的資訊,以不同項目分類,讓消費者方便搜尋世界各地的產品,同時參考產品評分、店舖排行榜、beauty blogger分享等實用資訊。